EN RU AB

АХАҾСАХЬАҚӘА

Папҧҳа Маҳинур

Папҧҳа Маҳинур

публициступ, еиҭагаҩуп, аҭоурыхҭҵааҩ-етнографуп.
Папҧҳа (Туна), Маҳинур Аазиз-иҧҳа (20.04.1950 ш., Алынџьа ақыҭа, Ҭырқәтәыла) – шәҟәыҩҩуп, публициступ, еиҭагаҩуп, аҭоурыхҭҵааҩ-етнографуп. Аҭырқәа бызшәалеи аҧсышәалеи дыҩуеит.

1973 ш. Сҭамҧылтәи ауниверситет афилологиатә факультет далгеит. Иара убри ашықәсаны Асовет Еидгыла даҭааны илбеит, лҭоурыхтә ҧсадгьыл ахь -Аҧсныҟагьы дааит. Хаҭала Аҧсны жәлар рпоет Б. Шьынқәбеи лареи анеибадыр ашьҭахь гәцаракра ду аҭаны лҽалалырхәит уи иҭоурыхтә роман “Ацынҵәарах” аиҭагареи аҭыжьреи. (1995). Акыр шықәсқәа Ҭырқәтәыла инхоз аҧсуа диаспораҟны иналукааша ахаҭарнак, апоет, аҭоурыхҭҵааҩ Омар Беигәаа ицхырааҩыс дыҟан.
М. Папҧҳа илеиҭагамҭақәаны иеиуеиҧшым аамҭақәа раан аҭырқәа бызшәала иҭыҵит аҧсуаа репос «Нарҭаа ирызку аҳәамҭақәа» (2001), «Абрскьыл» (аиқәыршә. Б. Шьынқәба), «Аҧсуа лакәқәа» (2010). Авторс дрымоуп аҭҵаарадырра-публицистикатә очерк, хазы шәҟәны иҭыҵыз, «Аҧсилиеи Ҵабали», Сҭамҧыл инхоз, аҧсуа ҭауад Аҳмед Расим-ҧашьа Ачба иҭаацәара иалҵыз, раҧхьатәи аҭырқәа сахьаҭыхҩы Михри Миушфик, (2007). Лара иеиҭалгеит иара убас В. Амаршьан ироман «Аҳ Леон» (2008), В. Бигәаа ирҵагатә цхыраагӡа «Аҧсны аҭоурых» (2006). Ирацәоуп икьыҧхьу афольклортә материалқәа, аҭҵааратә, аларҵәаратә статиақәеи Ҭырқәтәылеи Аҧсни агазеҭқәеи ажурналқәеи ирнылахьоу.
2000 шықәсазы М. Папҧҳа иеидылкылеит дагьахагылеит зхарџьала аус зуаз агәыҧ. Урҭ иҭрыжьит нас Ҭырқәтәыла иаладырҵәаз ижәытәӡоуи иахьатәии Аҧсны иазкыз ашәҟәқәа маҷымкәа. В 1991-1998 шш. рзы Сҭамҧыл ақ. аҟны Аҧсуа культуратә центр дахагылан.

АХЬӠЫНҴА АЗЫХЫНҲӘРА