"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АХАҾСАХЬАҚӘА


Гәлиа Гьаргь Дмитри-иҧа

Гәлиа Гьаргь Дмитри-иҧа

Хәажәкыра 1,1913 – жьҭаара 18, 1989

Хылҵшьҭрала иаҧсыуоу аурыс советтә шәҟәыҩҩы

Гьаргь Гәлиа диит аҧсуа литература ашьаҭаркҩы, иахьатәи аҧсуа ҩыра аҧызҵаз ируаӡәку Дмитри Гәлиа иҭаацәараҟны. Кавказнхыҵтәи аимадара амҩақәа рынџьнырцәа ринститут даналга, изанааҭ ала аус иуан, далахәын Амшынеиқәаҿықәтәи аихамҩа аргылара. Аха дышқәыҧшыз уи ирҿиаратә ҟыбаҩ ахы цәырнагахьан. Уи инапы алакын ажурналистика, аҿыханҵа, аграфика. Гь. Гәлиа акьыҧхь аҟны дцәырҵит 1930 шықәса инаркны. Уи раҧхьатәи иповест — «Анаараҟны», анаҩс «Ашьоура» 1936 шықәсазы иҭыҵит. Ахәыҷқәа рзы ажәабжь кьаҿқәеи аповестқәеи кьыҧхьуп аизга «Амца акәша ииз ажәабжьқәа» рыҟны 1937 шықәсазы. Гь. Гәлиа иҭоурыхтә романистика иаҵанакуеит: «Афараон Ехнатон» (1968), «Афинантә ауаҩы. Фы-шәҟәык ирну ахроника» (1969), «Сулла» (1971). В 1970-80-тәи ашықәсқәа рзы иҭыҵуеит Гьаргь Гәлиа «ипроза маҷ» ала ишьақәгылоу иеизгақәа ирнылаз алаф злаҧсоу иажәабжьқәеи иновеллақәеи. Уи нахыс ииҩуа иҧсадгьыл Аҧсны, иџьынџьуаа ирызкуп, аус рыдилуоит аҭоурыхтә аҧҵамҭа ҿыцқәа. Иаҧиҵоит авикингқәа раамҭа иазку ароманқәа (« Кари, Гуннар иҧеи ирызку аҭоурых»), пунаа реибашьрақәа ирызку («Ганнибал, Гамилькар иҧа»), Алеқсандр Блок, Михаила Лермонтов, Омара Хаиам, Рембрандт исахьарку рбиографиақәа.

АХЬӠЫНҴА АЗЫХЫНҲӘРА