"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АХАҾСАХЬАҚӘА


Шамба  Тарас Мирон-иҧа

Шамба Тарас Мирон-иҧа

Аԥснытәи, Урыстәылатәи ауаажәларра - политикатә усзуҩы, азиндырратә ҭҵаарадыррақәа рдоктор, Урыстәылатәи аҳәынҭқарратә ахәаахәҭра- економикатә университет апроректор (2002-2008), Кавказ ажәларқәа Урыстәылатәи аконгресс ацхантәаҩы. «Аԥсны Жәлар рыпрезидент» ҳәа иофициалтәым ахьӡ ихуп.

Тарас Шамба 1963ш. далгоит Москватәи Аҳәынҭқарратә Университет азиндырратә факультет. Иусура хациркит усҭҵааҩыс Аҟәа ақ. Апрокуратураҟны, инструкторс аус иуан КПСС Аԥснытәи обком аҿы. 1971 ш. далгеит КПСС Ацентр Комитет Иреиҳаӡоу апартиатә школ. 1975ш. акандидаттә диссертациа ихьчеит, 1985ш. – адоктортә.

1987 шықәса инаркны КПСС Ацентр Комитет аҟны Ауаажәларратә ҭҵаарадыррақәа ракадемиа апрофессорс дыҟоуп. Аҳәынҭқарра атеориеи, апрактикеи, адемократиеи, азинтәԥҟареи , амилаҭтә-ҳәынҭқарратә шьақәгылареи, анаплакратә зини рыҟәша аспециалиступ, арҭ атемақәа ирызкны 300 инареиҳаны кьыҧхьымҭа авторс дрымоуп. 75 шәҟәи статиеи инареиҳаны равтор, Аҧсны Аҳәынҭқарра Аконституциа атекст азирхиеит, Аԥсны раԥхьаӡатәи жәларызегьтәи альтернативтә алхрақәа рымҩаԥгара даԥшьгаҩуп. 2002ш. абҵарамза инаркны 2008ш. ԥхынгәымзанӡа Урыстәылатәи ахәынҭқарратә ахәаахәҭра –економикатә университет актәи апроректорс дыҟоуп, 2008ш. инаркны ари аҵараиурҭа аректор иабжьгаҩыс аус иуеит.

Т.М. Шамба Урыстәылатәи Афедерациа ҳаҭыр зқәу адукат ҳәа ахьӡ ианашьоуп. Урыстәыла Аҳәынҭқарра зҽаԥсазтәыз зиндырҩуп , Москватәи ақалақьтә нотариусцәа рпалата анотариус, ихатәы нотариалтә усбарҭа имоуп.

Тарас Шамба ауаажәларратә академиақәа ааба дрылахәылаҩуп, урҭ рхыԥхьаӡараҿы иҟоуп Жәларбжьаратәи аинформатизациатә академиа, Аҭҵаарадыррақәеи аҟазареи рзы жәларбжьаратәи афранцызтә Платонов иакадемиа, Адыгатәи жәларбжьаратәи аҭҵаарадыррақәа ракадемиа, Адунеи ажәларқәа рдоуҳатә акзаара жәларбжьаратәи академиа уҳәа уб. егь.

АХЬӠЫНҴА АЗЫХЫНҲӘРА