EN RU AB

АЖӘАБЖЬҚӘА

Актәи амилаҭтә форум «Астратегиа-2025»

15.05.2018

Актәи амилаҭтә форум «Астратегиа-2025»

Рашәарамза 2 рзы Аҟәа ақ. Аҧснытәи аҳәынҭқарратә университет Аконгресс-зал аҟны имҩаҧысуеит Актәи амилаҭтә форум «Астратегиа-2025» «Аҧсны аекономика аизҳара шҧалыршатәу?» атемала. Уи ала ихацыркхоит аҧхьаҟатәи атематикатә форумқәа рсериа амҩаҧгара.
Уаанӡа, хәажәкырамза 25 рзы Москва, аҳәаанырцәтәи аҧсуа диаспора ахаҭарнакцәа ирыдыркылеит амилаҭтә форумқәа рымҩаҧгара ахьаҧшьгаз ааҧхьара.
Афорумқәа хықәкы хаданы ирымоуп – ауаажәларра алархәны аусмҩаҧгатәқәа рыпрограмма аҧҵара, уи анагӡара аҽазкра. Амилаҭтә стратегиа азырхиара иалнаршоит Аҧсны акыршықәсатәи ауснагӡатәқәа шьаҿа-шьаҿала рынагӡара.
Афорум аҟны ажәахә хаданы иҟалоит "Аҧсны акономика аҿиара апрограмма «2025 шықәсанӡа Аҧсны Аҳәынҭқарра аекономика аҿиаразы апрограмма 25 шьаҿа». Уи азырхиоуп урыстәылатәи аконсалтингтә еилахәыра "StrategyPartnersGroup", иара убас Аҧсны Аҳәынҭқарра анагӡаратә мчхара аусбарҭақәа, Москватәи аҧсуа диаспора ахаҭарнакцәа русеицура иабзоураны.
Афорум аҽалархәразы ааҧхьара рымоуп аветерантә, ауаажәларратә, аполитикатә еиҿкаарақәа, азанааҭеидгылақәа, аидгыларақәа рхаҭаранкцәа, анаплакҩцәа, аҵарауаа, аҳәынҭқарратә усбарҭақәа русзуҩцәа, амедиатә уаажәларра ахаҭарнакцәа, абыргцәа рхеилак, арҿиаратә интеллигенциа рхаҭарнакцәа, аҿар, ари азҵаара зҿлымҳара азҭо ҳџьынџьуаа зегьы.
Аусмҩаҧгатә еиҿкаахоит Москватәи аҧсуа диаспора абзоурала Адунеизегьтәи аҧсуа-абаза жәлар рконгресс, Ҭырқәтәылатәи аҧсуа диаспора, Аҧснытәи аҳәынҭқарратә университет иҟарҵо адгылареи ацхыраареи рыла.
 
АФОРУМ АОФИЦИАЛТӘ САИТ:  www.strategy2025-abkhazia.com
Афорум аиҿккаратә еилакы:  E-mail: abh.strategy2025@gmail.com
Аҭел. +7 (964) 701 49 67          +7 (916) 620 07 23         +7 (940) 774 18 03 
Апресс-маҵзура: 
E-mail: abh.strategy2025@gmail.com
Аҭел. +7 (926) 205 01 51          +7 (940) 774 18 03 

121


АХЬӠЫНҴА АЗЫХЫНҲӘРА