EN RU AB

АЖӘАБЖЬҚӘА

Аспектакль “Қьелешьбеи» дырбахоит Москватәи Аҧсуа Диаспора 60 шықәсахыҵратә иубилеи инақәыршәаны

13.03.2018

Аспектакль “Қьелешьбеи» дырбахоит Москватәи Аҧсуа Диаспора 60 шықәсахыҵратә иубилеи инақәыршәаны

Москва хәажәкырамза 20 рзы Москватәи Аҧсуа Диаспора иҟанаҵо адгыларала имҩаҧысуеит аҭоурыхтә драма «Қьелешьбеи» арбара  аҧсуа шәҟәыҩҩы Анзор Мықәба ипиесала, арежиссиор Шьалуа Гыцба иқәыргыламҭала. Арольқәа нарыгӡоит Аҧснытәи аҳәынҭқарратә аҿартә театр актиорцәа, асахьаркыратә напхгаҩыс дамоуп Аҧсны Жәлар рартист Софа Агәмааҧҳа, атеатр адиректор Аслана Еныкь.

Аспектакль арбара хәажәкырамза 25 рзы иазгәаҭахо Москватәи Аҧсуа Диаспора 60-шықәсахыҵратә иубилеи иадҳәалоуп.  
“Ҳара арҭ ахҭысқәа аҩбагьы – аспектакль “Қьелешьбеии” Москватәи Аҧсуа Диаспора 60-шықәсахыҵреи   иеицазгәаҭатәуп ҳәа  иҳаҧхьаӡеит – иҳәеит Беслан Агрба, Москватәи Аҧсуа Диаспора  ахада. - Қьелешьбеи аҧсуа ҳәынҭқарраҟны аҵак ду змоу политикатә фигуроуп. Аҧыза ҟәыҕа, Қьелешьбеи, арратә стратег шьахә, адипломат, иуадаҩыз аамҭақәа раан адәныҟатәи аҕа иҿагылара анаҭахха амилаҭ реидкылара, атәыла ахьыҧшымра аиқәырхара зылшаз, убри аан аҧсуа традициақәагьы еиламгаӡакәа – ари зегьы иахьагьы даҽа аамҭанык иеиҧшымкәа актуалра рымоуп иеиуеиҧшым атәылақәа рыҟны инхо аҧсуа абиҧара ҿыцқәа рзы.”
Иахьымҩаҧысуа аҭыҧ: Акультура Ахан “Москвич”, Москва, Волгоградтәи амҩа ду 46/15 (ам. аст. «Текстильщики»)
Алагамҭа: 19:00 сааҭ рзы

Абилеҭқәа: 500 мааҭ

Абилеҭқәа раахәара ҟалоит ҩбаны:

- Алектронтәқәа,   e’mail info@abkhazmoscow.ru ала азыҳәара дәықәҵаны, ашәатәы Аҵәахырҭатә банк акартахь 4276 3800 4801 1675 (аҧара аиагараан хымҧада иарбатәуп Ахьӡ Ажәла Абхьӡы)

- Акультура Ахан «Москвич» аҭыҧ аҟны .

Азҵаарақәа зегьы рзы шәыдҵаалар шәылшоит абарҭ ҭелқәа рыла:
8 (964) 701 49 67
8 (962) 943-96-11
8(916)620-07-23

11


АХЬӠЫНҴА АЗЫХЫНҲӘРА