EN RU AB

АЖӘАБЖЬҚӘА

 Жәабранмза 11 рзы, Москва имҩаҧысит ауаажәларратә еиҿкаара АУЕ “Москватәи Аҧсуа Диаспора” Аҳасабырба-алхратә еизара.

12.02.2018

Жәабранмза 11 рзы, Москва имҩаҧысит ауаажәларратә еиҿкаара АУЕ “Москватәи Аҧсуа Диаспора” Аҳасабырба-алхратә еизара.

Аизара амш азҵаараҟны иқәгылан абарҭ азҵаарақәа: 2015-2017 шш. рзы имҩаҧгаз аусуразы аҳасабырба, адиаспора ахада иалхра. 

Беслан Агрба дахцәажәеит хышықәса рыҩныҵҟала имҩаҧгаз аусура атәы, еиҳа акрызҵазкуаз, еиҳа идуқәаз апроектқәа алкааны. Уи иҟаиҵаз аҳасабырбаҟны иазгәеиҭеит аиҿкаара имҩаҧнаго агәыҳалалратә усура атәы. Иара убас иҳәеит акоммуникациа аҿиара, адиаспора асаит аӡыргара, аџьынџьуаа аинформациа рыҭаразы ҳаамҭазтәи амыругақәа рганахьала иалагалаз арҿыцрақәа ртәы.

Имҩаҧгаз абжьыҭирақәа реихшьалақәа рыла Москватәи Аҧсуа Диаспора еицҿакны еиҭа далырхит  Беслан Агрба.

Иалырхаз адиаспора ахада иҭабуп ҳәа реиҳәеит ирҭаз агәрагаразы, иагьазгәеиҭеит аиҿкаара аусураҿы иазҧхьагәаҭаны ишыҟоу  аҳәаанырцә иҟоу адиаспора иҵегьы иааигәаны аус ацура алыршара, ҷыдала, хыҧхьаӡара рацәала ишьақәгылоу Ҭырқәтәыла иҟоу адиаспора.  

“Иара убас гәацҧыҳәарала аусура мҩаҧаҳгараны ҳаҟоуп Аҧсуа-абаза конгресс аҟны - иазгәеиҭеит Беслан Агрба -  Аҧсны ацхыраара аҭареи аус ацуреи рганахьала”.   

Беслан Агрба агәра шиго иҳәеит аҧсуаа реидгыларалеи адунеи аҿы иҟоу ҳџьынџьуаа зегьы иааигәаны аус рыцуреи рыла шакәу ихадараны иҟоу апроект – ихьыҧшым ҳәынҭқаррак аҳасабала Аҧсны ашьақәгылара анагӡара злалыршахо.    

Беслан Агрба АУЕ “Москватәи Аҧсуа Диаспора” Анапхгара Ахантәаҩы имаҵура ааникылоит 2011 ш. раахыс.

Аизараҟны иара убас ирылацәажәеит адиаспора аҧхьаҟатәи апланқәа, апроект ҿыцқәеи ажәытә проектқәеи адгылара рыҭареи. Урҭ рыҩныҵҟа иҟоуп Аҧсны аҿиара апрограмма  «25 шьаҿа» , Аҧсны Архив аиҭашьақәыргылара уҳәа уб.егь. 
Тарас  Шамба ажаәалагала ҟаиҵеит адиаспора есышықәсатәи аиҧыларақәа риагара,  2019 ш. инаркны Аиааира амш азгәаҭара иақәыршәаны рымҩаҧгара. Иреиҳахаз абыжьқәа рыла ари ажәалагала рыдыркылеит.  

169


АХЬӠЫНҴА АЗЫХЫНҲӘРА