"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АЖӘАБЖЬҚӘА


РАЖЬДЕН ГӘЫМБА ИХЬӠ ЗХУ АҦСНЫТӘИ АҲӘЫНҬҚАРРАТӘ  ФИЛАРМОНИА  АМШИРА

01.10.2015

РАЖЬДЕН ГӘЫМБА ИХЬӠ ЗХУ АҦСНЫТӘИ АҲӘЫНҬҚАРРАТӘ ФИЛАРМОНИА АМШИРА

Акыр иаҧсоу аџьынџьуаа!

Иахьа , ажьырныҳәа 1 азы   Ражьден Гәымба ихьӡ зху Аҧснытәи аҳәынҭқарратә филармониа амшира азгәанаҭоит. Уи 56 шықәса ахыҵит.

    Москватәи Аҧсуа диаспора   ахьӡала Аҧснытәи аҳәынҭқарратә филармониа аколлектив зегьы иазеиҕьаҳшьоит арҿиаратә еихьӡара ҿыцқәа, џьарла иҭәу азалқәа, ақәҿиара змоу апроектқәа, аиааира дуқәа зцу агастрольқәа.

“Аҧснытәи афилармониа анапхгара зегьы, артистцәа, арҿиаратә коллективи аусзуҩцәеи  ирзеиҕьасшьар сҭахуп ақәҿиара ҿыцқәа, зеиҧшыҟам аидеиақәа, ахықәкы ҳаракқәа рынагӡара, иақәнагоу азхаҵара – лҳәоит  Алиса Гыцҧҳа. – Ишәзеиҕьасшьоит арҿиараҟны аартра ҿыцқәа, иара убас ари ахыбраҟны аиҧылара ҿыцқәа сырзыҧшуп”.

Аҧснытәи аҳәынҭқарратә филармониа акультура ажәытә усбарҭақәа ируакуп. Ари ахыбра ргылан 1947 шықәсазы, официалла аартра ҟалеит 1949 шықәсазы.

Афилармониа асценаҟны иқәгылахьеит иеицырдыруа аҧсуа оператә шәаҳәаҩцәа  Хьыбла Герзмавеи Алиса Гыцҧҳаи, Аҧсны, Урыстәыла, ҧасатәи асовет Еидгыла ареспубликақәеи, атәыланҭыҵтәи  иеицырыдруа аусзуҩцәеи арҿиаратә коллективқәеи.  
Аҧснытәи афилармониа   ақалақь агәҭаны игылоуп, Аҧсны  аҭыҧ ҧшӡақәа ируакуп, иналукааша аҧсуа композитор   Р. Гәымба ихьӡ ахуп.

Қырҭтәыла  аҳәынҭсовет 1992-93 шш. Аҧсны ианалала Афилармониа еимырҵәеит, иара ахыбрагьы аҧхасҭа ҕәҕәаны иаҭан.  Аибашьра ашьҭахь уи еиҭа арҿиаратә коллективқәеи иналукааша аҟазацәеи русурҭа хаданы ҟалеит.  

Аҧснытәи аҳәынҭқарратә филармониа асолистцәа  - Аҧсны жәлар рартистцәа Алла Оҭырҧҳа (аф-но), Марина Шамҧҳа (аорҕан), Манана Шамҧҳа (асопрано), Аҧсны зҽаҧсатәыз артист Нинель Бжьаниаҧҳа (аф-но), Родион Ҳагба (атенор), Лука Гаделиа (аорҕан), Нана Черқьезиаҧҳа (саопрано), Кристина Ешҧҳа (асопрано) уб. егь. Аҧсны арегионқәа зегьы рыҟны аконцертқәа рыҟны иқәгылоит рҟазара ҳаракы аарҧшуа.  Афилармониаҟны аус ауеит иара убас Аҧсны зҽаҧсазтәыз артист   Н. Саҕариа напхгара ззиуа аестрадатә гәыҧ «Аҧсны».

400


АХЬӠЫНҴА АЗЫХЫНҲӘРА