"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АЖӘАБЖЬҚӘА


Нелли Ражьден – иҧҳа Ешба, раҧхьатәи аҧсуа   театртә профессионалтә режиссиор иахьа  87 шықәса лхыҵуан

25.09.2015

Нелли Ражьден – иҧҳа Ешба, раҧхьатәи аҧсуа театртә профессионалтә режиссиор иахьа 87 шықәса лхыҵуан

Нелли Ражьден – иҧҳа Ешба, раҧхьатәи аҧсуа   театртә профессионалтә режиссиор иахьа  87 шықәса лхыҵуан. 1962 шықәсазы даараӡа ибзианы Ш. Русҭавели ихьӡ зху  Қарҭтәи атеатртә институт арежиссиортә факультет далгеит.  Абри ашықәсан Аҟәатәи атеатр арежиссиорс аусура далагоит, хара имгакәа, уи анапхгаҩысгьы арежиссиорсгьы.
“Нелли Ешба – хамеигӡарада аҟазара амаҵ азызуа дыруаӡәкуп, – иҳәоит ашәҟәыҩҩы Денис Чачхалиа.  Уи лрежиссиортә ҭынха акыраамҭа иҭырҵаалоит аҧсуа сцена аҟазацәа иахьатәии ҳаҧхьаҟатәии абиҧарақәа. Москва инхо аҧсуаа аҿарацәа иналукааша арежиссиор зҿлымҳара ахьрылҭо агәыҕра снаҭоит ҳажәлар акультурала реиҭеиразы алшара шыҟоу азы».
1971 шықәсазы Нелли Ешба иланашьан "Қырҭтәылатәи ССР аҟазара зҽаҧсазтәы аусзуҩы" ҳәа ахьӡ.  1975 шықәсазы Нелли Астраханҟа дцоит, ара ҧшь-сезонк  Астрахантәи адраматә театр арежиссер хадас аус луан. Усҟантәи аамҭазтәи ақәыргыламҭақәа иреиҕьыз рыҩныҵҟа иҟан:  "Асҭыҧҳа" А. Островски иҩымҭала, "Ихьӡыдоу аеҵәа" М. Себастиану иҩымҭала, "Ауаа еиҿамсқәа" В. Шукшин иҩымҭала, "Абна ашәа" Л. Украинка лҩымҭала.   Шиллер ипиесала иқәлыргылаз аспектакль "Дон Карлос" астрахантәи асценаҟны лакәк  иаҩызаны имҩаҧысит.  
1986 шықәсазы  Нелли Ешба Москва иаҧылҵеит лхатәы  театр "Аамҭа",    1999 шықәса цәыббрамзазы лтруппа  гастроль ҳасабла Астраханҟа агара лылшеит, усҟан аҳәынҭқарратә театрқәа џьара ргарагьы уадаҩын.  Агастрольқәа аихьӡара дуқәа рыманы имҩаҧысит.  
Аҧснытәи аурыс драматә театр аҟны Нелли Ешба иқәлыргылеит  иара убас А. Франс ипиесала "Аҧҳәыс ҿаҳа", "Асонетқәа рҭыҧҳа еиқәара" Б. Шоу ипиесала.
2009 шықәсазы Ешба Аҧснытәи  адраматә театр аҟны иқәлыргылеит Д. Чачхалиа иҭоурыхтә пиеса иалхны "Али-Беи", уи ахәаҧшҩцәа гәахәара дула ирыдыркылеит.  
Нелли Ешба иланашьоуп  «Ахьӡ-аҧша» орден II аҩаӡара.

2015 шықәса хәажәкыра 5 ры Аҧсны Ахада Рауль Ҳаџьымба Иусҧҟала Нелли Ражьден-иҧҳа Ешба илыхҵоуп Аҧсны Аҳәынҭқарра Жәлар рартист ҳәа аҳаҭыртә хьӡы.

313


АХЬӠЫНҴА АЗЫХЫНҲӘРА