EN RU AB

АЖӘАБЖЬҚӘА


01.09.2015

ҲАҬЫР ЗҚӘУ ҲЏЬЫНЏЬУАА!

Ааҧхьара шәаҳҭоит Аҧсны Аҳәынҭқарра Амш азы – иҧшӡоу, иблахкыгоу амилаҭтә ныҳәа ашҟа. Уи мҩаҧысраны иҟоуп цәыббра 6 рзы ЖӘРАР Атеатр Иаҵәаҟны, ихадоу Москва аконцерттә ҭыҧқәа руак аҟны.
Шәара ишәзыҧшуп Аҧсни Урыстәылеи рҟазацәа злахәу амузыкатә программа.
Аныҳәатә программаҟны адирижиор Сергеи Тарарин напхгара ззиуа Москва ақалақь Асимфониатә оркестр "Аурыс филармониа" иацны иқәгылоит Алиса Гыцҧҳа, Урыстәылатәи Афедерациа зҽаҧсазтәы артист, Аҧсны Жәлар рартист, Москватәи амузыкатә театр «Геликон-Опера» асолист, Жәларбжьаратәи аконкурсқәа рлауреатцәа, Аҧснытәи аҳәынҭқарратә филармониа асолистцәа Елена Анқәабҧҳа, Альдона Цкәуаҧҳа, Нана Черқьезиаҧҳа, Амра Барганџьиаҧҳа, Алхас Ферзба, Саид Гобечиа, Армен Хачатуриан.
Урҭ инаргыӡоит Џьузеппе Верди, Винченцо Беллини, Џьакомо Пуччини, Н.А. Римски-Корсаков, Руџьеро Леонкавалло раҧҵамҭақәа рыҟнытә ариақәа.
Аҩбатәи ахәҭаҟны Жәлар Реиҩызара Аорден занашьоу, Алада Уаҧстәыла Ареспубликеи Аҧсны Аҳәынҭқарреи Жәлар рартист Кандид Ҭарба напхгара ззиуа Аҳәынҭқарратә жәлар рыкәашаратә ансамбль «Кавказ» артистцәа инарыгӡоит зеиҕьыҟам акәашарақәа. Урҭ рыҩныҵҟа иҟалоит ачара кәашареи ашьхаҭыҧҳацәа рлирикатә кәашареи, имцабзха иқәыргылоу акәашара «Ашьхарыуаа», аварцәа рыкәашара, иара убас аҧсадгьыл иазку ахореографиатә композициа «Кавказ», .
Ахәылҧаз мҩаҧылгоит амузыкаҭҵааҩы Есма Џьениаҧҳа.
Аныҳәатә концерт еиҿкаахоит АА Жәларбжьаратәи акультура-устә центр, АА Акультура аминистрра, ЖӘРАР, УА аҟны иҟоу АА Ахәаахәҭратә хаҭарнакра иҟанаҵо адгыларала.

Аинформациатә партниор - «Аҧснытәи ателекоммуникациатә еилахәыра»

АКОНЦЕРТ АЛАГАМҬА - цәыббра 6, 15.00 сааҭ рзы, аҩналара хәыда-ҧсадоуп

293


АХЬӠЫНҴА АЗЫХЫНҲӘРА