EN RU AB

АЖӘАБЖЬҚӘА

АКЫР ИАҦСОУ ҲЏЬЫНЏЬУАА!

28.08.2015

АКЫР ИАҦСОУ ҲЏЬЫНЏЬУАА!

Гәык- ҧсыкала ишәыдаҳныҳәалоит Нанҳәа амш лаша! – Ицқьаӡоу Анцәадзыхшаз Лылацәеиқәыҧсара амш.
Анцәа Иан адгьыл аҟны лҭыҧқәа аҧшьба ируакуп Аҧсны. Аҧсуаа ҷыдала илымҵаныҳәоит Анцәа Иан. Ажәытәан иалкааны иамҵаныҳәон Ицқьаӡоу Анцәадзыхшаз – Никопеиа лхаҿсахьа – аҧсуаа иеиқәзырхаз Никопеиа лныхачаҧа ахьӡ агьахьӡырҵеит раҳҭнықалақь – Анаҟәаҧиа.
Афонҿыцтәи аныҳәарҭа Нанҳәа ахьӡала Анцәа Иан Никопеиа Аҧснытәи (Аиааиразцу) Лныхачаҧа ҳамҭас иарҭеит.
Аҳәамҭақәа изларҳәо ала, ари аныхачаҧа аҧхьа иҟаз егьи аныхачаҧа 736 шықәсазы Анаҟәаҧиа абаа амҵан иҭахараны иҟаз аҧсуаа еиқәнархеит. Арабцәа рабашьра ианналагоз аҧсуа еибашьцәа рҳәынҭқар Леон I раҧхьа днаргыланы иаашаанӡа ишьамхнышгыланы анцәа иҳәон Анцәадзыхшаз Никопеиа лныхачаҧа аҧхьа ақәылаҩцәа рҿагылараан амч рылҭарц азы. Алегендаҟны ишарбо ала, аҵх агәҭаны Анцәадзыхшаз лхаҭа жәҩанынтәи геи шьхеи ыҵырлашаауа дылбааны, лара илықәгәыҕны аҕацәа ирҿагыларц азы дрыҧхьеит. Убри ашьҭахь аҧсуаа иеибашьит, аиааирагьы ргеит.
Аҭыҧҳа Мариа лыхьӡала Аҧсны аныхабаақәа жәпакы гылоуп.
Еиҳа иеицырдыруа аныхақәа иреиуоуп – Пицунда инацәыхарамкәа иҟоу Лӡаа ныха (Анан Лӡааных).
Аҧсны абжьарашәышықәсазтәи ахсаалақәа рыҟны иарбоуп аҭыҧ Санта-Софиа, ари Анцәадзыхшаз лныҳәарҭа ахьыҟаз иахьатәи Алаҳаӡы ақыҭа (Гагра араион) ахьышьҭоу аҭыҧ ауп.
Ицқьаӡоу Аҭыҧҳа лыхьӡ ахуп Х ашә. иаҵанакуа ижәытәӡоу аныхақәа ируаку Очамчыра араион Мықә ақыҭан игылоу аныхабаа.
Гәдоуҭа араион аҟны – X-XI ашә.-қәа рынҵәамҭазы Анцәа Иан Лылацәеиқәыҧсара ахьӡала иргылоу аныхабаа зқьышықәса рыҩныҵҟала аиҭашьақәыргыларатә усурақәа мҩаҧгаӡамызт аҟнытә уи аҧхьатәи аҧшра еиқәханы иҟоуп.
Ишәыдаҳгалоит абри аныҳәа иазку авидеонҵамҭа http://www.youtube.com/watch?v=ehQiausxJrQ

348


АХЬӠЫНҴА АЗЫХЫНҲӘРА