"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АЖӘАБЖЬҚӘА


ПИЦУНДАТӘИ АОРҔАН АИУБИЛЕИТӘ ШЫҚӘСА  АЗГӘАҬАРА АҲӘАА ИҬАГӠАНЫ АКОНЦЕРТ

20.09.2015

ПИЦУНДАТӘИ АОРҔАН АИУБИЛЕИТӘ ШЫҚӘСА АЗГӘАҬАРА АҲӘАА ИҬАГӠАНЫ АКОНЦЕРТ

Цәыббра 21 азы Пицундатәи аорҕан аиубилеитә шықәса азгәаҭара аҳәаа иҭагӡаны, Пицундатәи аныхабаа аиҳабыра ааҧхьарала, Москватәи Аҧсуа диаспора иҟанаҵаз адгыларала Пицундатәи аныхабаа аконцерттә зал аҟны имҩаҧысуеит аконцерт «Микаел Таривердиев иавангард».

Микаел Таривердиев ихьӡ еицырдыруеит. Уи дыздыруа рацәаҩуп афильмқәа: "Семнадцать мгновений весны", "Ирония судьбы,или с лёгким паром","Король-олень" рзы иаҧҵоу амузыка ссир автор иаҳасабала . Аха издыруа маҷҩуп Пицундатәи аорҕан инаҭаз анырра иабзоураны Микаел Леон-иҧа ари амузыкатә инструмент азы амузыка аҩра дшалагаз.
Лука Гаделиеи и Кристина Ешҧҳеи азыӡырҩцәа рышҟа ицәырыргоит Таривердиев иаҧҵамҭақәа рыла ишьақәыргылоу апрограмма. Урҭ инарыгӡоит уи ихоралтә прелиудиақәа, аорҕан азы Аконцерт "Кассандра", аорҕани абжьи рзы ииаганы иҩу аоркестр иацу абжьы азы аконцерт. Иазгәаҭатәуп, абжьы азы аконцерт зны ирылаҵәаны ишыҟаз, асоветтә аамҭазы иеицырдыруа амузыкантцәа ишынаргыӡоз.
Уажәы ари аконцерт раҧхьаӡакәны инагӡахоит пицундатәи аныхабааҟны М.Л.Таривердиев иҭынха ахьчаҩ, афонд апрезидент, акомпозитор иҧшәмаҧҳәыс Вера Таривердиева иҟалҵаз ажәалагалала.

323


АХЬӠЫНҴА АЗЫХЫНҲӘРА