"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АЖӘАБЖЬҚӘА



14.08.2015

Иахьа нанҳәамза 14 – Аҧсадгьыл ахьчаҩцәа ргәалашәара иамшуп.

Абри амш аҽны, 23 шықәса раҧхьа, ақырҭуа ир Аҧсны иалалеит, ақырҭуа-аҧсуа еибашьра иалагеит. Уи 413 мшы ицон, иагьхыркәшахеит Аҧсны Аиааирала.

Аҧсны Аҳәынҭқарра ахьыҧшымразы Аҧсны жәлар ирыдгыланы иеибашьуан аҧсуа диаспора ахаҭарнакцәа, хатәгәаҧхарала еибашьра иааз Нхыҵ Кавказ аиашьаратә жәларқәа, Алада Урыстәылантә, егьырҭ урыстәылатәи арегионқәа рыҟнытә. Убри аҟнытә ари амш Аҧсны иара убас Хатәгәагәаҧхарала иеибашьуаз Рымш ҳәа иазгәарҭоит.

Аҧсны аганахьала аибашьра иалахәын 12 нызқьҩык инареиҳаны. Ари аибашьраҟны Аҧсны иацәыӡит 2700-ҩык инареиҳаны, 5000-ҩык иреиҳаны ахәрақәа роуит. 200 – ҩык иреиҳауп хабарда ибжьаӡыз.

Аҧсны жәлар Рџьынџьтәылатә еибашьраан иҭахаз зегьы рыхьӡ кашәара ақәым.

306


АХЬӠЫНҴА АЗЫХЫНҲӘРА