"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АЖӘАБЖЬҚӘА



11.08.2015

Москва имҩаҧысуеит С.Ҷанба ихьӡ зху Аҧснытәи Аҳәынҭқарратә драматә театр агастрольқәа

С.Ҷанба ихьӡ зху Аҧснытәи Аҳәынҭқарратә драматә театр агастрольқәа мҩаҧысуеит Москва ҳазҭоу ашықәс цәыббра 18 - 19 рзы москватәи атеатр EtCetera аҟны. Атеатр аколлектив ахәаҧшҩцәа иддырбоит аҧсуа театр асахьаркыратә напхгаҩы, Аҧсны зҽаҧсазтәыз артист В. Ақаҩба иқәиргылаз ҩ-спектакльк: Н. Ердман ипиесала "Аҽшьреи" Островски ипиесала "Иаапку аҧарақәеи".

Аспектакль аҟны ихәмаруеит: С. Сангәлиа, Д. Арухаӡе, С. Кокосқьериа, Л. Ахба, А. Малиа, Р. Дбар, К. Цымцба, Г. Ажьиба, Б. Пачалиа, Р. Харзалиа, Н. Лакоба, А. Џьениа, Л. Хышба, М.Чычба, Т.Гамгиа, Р.Ҭаниа, С. Габниа, Л.Ахба. С.Ҷанба ихьӡ зху Аҧснытәи Аҳәынҭқарратә драматә театр асахьаркыратә напхгаҩы В. Ақаҩба дырзааҭгылеит агастрольқәа рзы арҭ аҧҵамҭақәа залху ҩ-мзызк: акы, арҭ аспектакльқәа москватәи ахәаҧшҩы раҧхьаӡакәны ирбахоит, ҩба, аҧсуа театр азгьы аҵакы маҷӡам Москва аурыс драматургиа ацәыргара.

Иара убас спектакльк арбара анаҩс Аҧсуа драматә театр арепертуар аҟнытә идырбахоит сахьаркыратә ӡбамҭак змоу ҵыҧҵәахақәак. «Иааидкыланы, идҳарбоит аспектакльқәа рыҟнытә 7 – 8 цыҧҵәаха. Урҭ рыхәҭак еиҭашьақәыргылоуп, егьырҭ шьаҭанкыла ирҿыцхоит», – иазгәеиҭеит Ақаҩба.

Агастрольқәа мҩаҧысуеит Аҧсны Аҳәынҭқарра акультуреи аҭоурых-культуратә ҭынха ахьчареи рминистрра иҟанаҵо адгыларала.

Аспектакль "Аҽшьра" апремиера мҩаҧысит Аҧснытәи Аҳәынҭқарратә драматә театр аҟны 2000 ш. лаҵарамза 25 рзы. Аспектакль жәларбжьаратәи атеатртә фестивальқәа «Амҩеихдараҟны асцена – 2000» Пловдив .ақ (Болгариа), Нхыҵ Кавказ Владикавказ ақ. аҟны амилаҭтә театрқәа «Ҳәаа змаӡам асцена» (арежиссер В. Ақаҩба ианашьан адиплом «Иоригиналтәуи игәаҕьыуацәоуи аиҭаҳәаразы»), Жәларбжьаратәи атеатртә фестиваль Сибиу ақ. (Румыниа) 2005 шықәсазы. Аҧсуа артистцәа иркьаҿӡаны иаадырҧшуа злахьынҵа уадаҩу, зыҧсҭазаара иааикәыршаны иҟоу ауаа рхы иадырхәо «ауаҩы хәыҷы» иҭоурых, ауаа реизыҟазаашьа еилыкка иунарбоит. Лахьынҵас имоу – ҽшьроуп , иааигәа иҟоу хықәкыс ирымоуп аҧсы иҿала дара ирылымшо аҳәара.

314


АХЬӠЫНҴА АЗЫХЫНҲӘРА