EN RU AB

АЖӘАБЖЬҚӘА

АҦСНЫ АХАДА РАУЛЬ ҲАЏЬЫМБА МОСКВА ИНХО АҦСУА УААЖӘЛАРРЕИ  АСТУДЕНТЦӘЕИ ДЫРҦЫЛЕИТ

16.04.2015

АҦСНЫ АХАДА РАУЛЬ ҲАЏЬЫМБА МОСКВА ИНХО АҦСУА УААЖӘЛАРРЕИ АСТУДЕНТЦӘЕИ ДЫРҦЫЛЕИТ

Мшаҧымза 16 рзы имҩаҧысит Аҧсны Ахада Рауль Ҳаџьымбеи Москва инхо аҧсуа уаажәларреи астудентцәеи реиҧылара. Ари аиҧылара еиҿкаан Москватәи аҧсуа диаспора аҧшьгарала Урыстәыла иҟоу Аҧсны Аҳәынҭқарра Ацҳаражҳәарҭа иҟанаҵаз адгыларала.

Аҧсны напхгара ауснагӡатә хадақәа ируакуп ауаажәларра аполитикатә зеиҕьашьарақәас ирымоу хырҩа амҭакәа реидкылара - иҳәеит Рауль Ҳаџьымба аиҧылара алагамҭазы, абасала, аҧсуа диаспора аҧылара хықәкыс иамоу азгәаҭаны.

Ахада Москва инхо аҧсуа уаажәларреи аҿари ргәы иҵхо хыҧхьаӡара рацәала азҵаарақәа рҭакқәа ҟаҵо далацәажәеит Аҧсны аҿиара аганқәа жәпакы рыҟны иара убас адиаспора аусеицура аҟны уи анапхгара знеишьақәас иамоу атәы.

"Ас еиҧш аиҧыларақәа даара аҵак ду рымоуп адиаспора аҿиареи, Аҧсны имҩаҧысуа зегьы аҽалархәраҟны уи иаду аҭакҧхықәра ашьҭыхреи рзы, - иҳәеит Москватәи аҧсуа диаспора Ахада Беслан Агрба. Адиаспора аусацура – иациҵеит уи иажәа, - ҳҳәынҭқарра адәныҟатәи еиҧш аҩныҵҟатәи аполитиказы акрызҵазкуа хырхарҭаны иҟалароуп, избан акәзар адиаспора апрофессионалтә, аинтеллектуалә, афинанстә цхыраара, атәыла аиҭеираҟны ацхыраара зылшо арҿиаратә, аҧҵаратә-шьақәыргыларатә лшара ду амоуп".

Адиаспора еиҳа агәацҧыҳәара змоу хархәганаы иҟалартә еиҧш, аусацуразы иманшәалоу амҩақәа азгәаҭатәуп, активла аҳәынҭқарра аинвестициатә проектқәа ирыдҧхьалатәуп.

Ахада иара убас иазгәеиҭеит, адиаспора анапхгареи Аҧсны анапхгареи рыбжьара аҵакы змоу азеиҧш шьаҿа шыҟаҵоу – иаҧҵоуп ас еиҧш аусеицура азҵаарақәа рзы ажәалагалақәа разырхиара иаҿу аҧсуа диаспора – абизнес уаа злахәу аусуратә гәыҧ. .

Аиҧылара ахыркәшамҭаз ирҳәеит адиаспора аспециалистцәа ҿарацәа атәыланҭыҵ разыҟаҵараҟнеиҧш, урҭ рыҧсадгьыл разырхынҳәрагьы ацхырааразы агәыҕрагьы агәазыҳәарагьы шрымоу атәы.

410


АХЬӠЫНҴА АЗЫХЫНҲӘРА