EN RU AB

АЖӘАБЖЬҚӘА

Актәи "Мисс Адунеизегьтәи" Қьериман Ҳалис Еџье (Ебжьноуҧҳа) илызкыз аныҳәатә хәылҧазы мҩаҧысит ҧхынгәы 23 рзы, Аҧсны Аҳәынҭқарра абираҟ амш аҽны, ЖӘРАР апарк аҿы, Москва, апавалион “Аҧсны” аҟны

24.07.2015

Актәи "Мисс Адунеизегьтәи" Қьериман Ҳалис Еџье (Ебжьноуҧҳа) илызкыз аныҳәатә хәылҧазы мҩаҧысит ҧхынгәы 23 рзы, Аҧсны Аҳәынҭқарра абираҟ амш аҽны, ЖӘРАР апарк аҿы, Москва, апавалион “Аҧсны” аҟны

“Ари Москватәи Аҧсуа диаспора апроект ҿыц «Адиспора ахаҿқәа: аҭоурых аҟнытә ҳазҭагылоу аамҭахьы» аҳәаа иҭагӡаны иеиҿкааз раҧхьатәи усмҩаҧгатәуп - иҳәаит Беслан Агрба, Москватәи Аҧсуа диаспора ахада. Абас еиҧш иҟоу аҧхарра зҵоу аиҧыларақәа ирылшоит ҭаацәашәала аҧсуа культура, уи аҭоурых иналукааша ахаҭарнакцәа рхаҿқәа рыла раарҧшра реиҭаҳәара. Ҳара аҧхьаҟагьы иазҧхьагәаҭаны иҳамоуп егьырҭ атәылақәа рыҟны иҟоу аҧсуа диаспорақәа алархәны иеиуеиҧшым аформатқәа рыла аиҧыларақәа рымҩаҧгара, адиаспорақәа рыҩныҵҟа иеицырдыруа ауаа рцәыргара, рырдырра ”.

Асас дахьқәа рыҩныҵҟа иҟан: Кавказ ажәларқәа Урыстәылатәи рконгресс Апрезидиум Ахантәаҩы Тоторкулов А.Х., Аҭырқәа-аҧсуа диспора ахаҭарнак, ашәҟәыҩҩы, ауаажәларратә усзуҩы, аетнограф Маҳинур Папҧҳа, аҧсуа диаспора ахаҭарнак Ниҳаҭ Леиба, иара убас Аҧсны Ацҳаражәҳәарҭа ахаҭарнак, Москва иҟоу ауаҧстә уаажәларра, абазинтәи ачечентәи диаспора ахаҭарнакцәа. Аусмҩаҧгатә атәы еиҭаҳәан урыстәылатәии аҧсуеи массатә информациақәа рхархәагақәа рыҟны.

Ахәылҧаз апрограммаҟны иҟан Ҭырқәтәыла иҟоу аҧсуа диаспореи Акультуреи аҭоурых-культуратә ҭынха ахьчареи рзы аминистрра ирыдыргалаз зеиҧш маҷу афотоматериалқәа рыла ацәыргәақәҵа, иара убас Романа Лабиа иавтортә проект - Қьериман Ҳалис Еџье илызку (Ебжьноуҧҳа) авидеофильм.

Ахәылҧаз иалахәыз ргәырҽанӡамкәа агәахәара рнаҭеит лымкаала ари аусмҩаҧгатә рҽададырхәырц азы иааз ҭырқәтәылатәи асасцәа рнапала Қьериман Ҳалис Еџье (Ебжьноуҧҳа) лҭаацәа рыҟнытә ҷыдала аҧсуаа аҧсшәа ахьрарҳәо, салам ахьаарҭиуа авидео-нҵамҭа.

Ахәылҧаз аҧсуа ҧҳәыс лыҧшӡара, лыхаара, ҳмилаҭтә маҭәа ианыҳәаны иҟалеит. Актәи "Мисс Адунеизегьтәи" лыхьӡала имҩаҧысит Аҧснынтәи иааз аҟыбаҩ злоу адизаинерцәа: Мадонна Аргәын, Шьазина Агәхаа, Расида Лакоба, Ирма Папасқьири, Ҳамида Цәеиба рҟынтә ашәҵатәы арбара.

Ахәылҧаз еиҿкаан Москватәи аҧсуа диаспореи, Аҧсны Аҳәынҭқарра Жәларбжьаратәи Акультура-устә Центри (АА ЖӘАУЦ), Ҭырқәтәыла иҟоу аҧсуа диаспореи «GUASE» рыбзоурала, Аҧсны Акультура аминистрреи, Сҭамҧыл ақ. аҟны (Ҭырқәтәыла) иҟоу Аҧсны Аҳәынҭқарра Ахаҭарнакреи, Сҭамҧыл ақ. аҟны (Ҭырқәтәыла) иҟоу Аҧсуа Культуратә Центри рыцхыраарала.
Москватәи Аҧсуа диаспора Ахада Беслан Агрба аиҿкааратә еилакы иалахәу зегьы иҭабуп ҳәа реиҳәеит зыҩаӡара ҳаракны иазырхиаз аусхк азы. Иазгәеиҭеит аиҿкаара бзиа иабзоураны аҧхарра зҵаз, ҭаацәашәала имҩаҧгаз ахәылҧаз иалахәыз ргәы иҭнымҵәо ишынхо.

348


АХЬӠЫНҴА АЗЫХЫНҲӘРА