EN RU AB

АЖӘАБЖЬҚӘА

Ҧхынгәымза 23 рзы, Аҧсны Аҳәынҭқарра абираҟ амш аҽны, ЖӘРАР апарк аҿы, Москва, имҩаҧысуеит  Актәи "Мисс Адунеизегьтәи" Қьериман Ҳалис Еџье (Ебжьноуҧҳа) илызку аныҳәатә хәылҧазы

10.07.2015

Ҧхынгәымза 23 рзы, Аҧсны Аҳәынҭқарра абираҟ амш аҽны, ЖӘРАР апарк аҿы, Москва, имҩаҧысуеит Актәи "Мисс Адунеизегьтәи" Қьериман Ҳалис Еџье (Ебжьноуҧҳа) илызку аныҳәатә хәылҧазы

1932 шықәса ҧхынгәымза 3 рзы Бельгиа Спа ақ. аҟны аҧшӡаразы раҧхьатәи аицлабраҟны аиааира лгеит Ҭырқәтәыла иеиуаз Қьериман Ҳалис Еџье (хылҵшьҭрала Ебжьноуҧҳаз).
Қьериман лаб хәынтә иҳәахьан иҧҳа аицлабра аҽалархәра азин лиҭарц азы. Данақәшаҳаҭха, аҭыҧҳа шықәсык аҩныҵҟа ашкол аҟны, аҩныҵҟа, нас адунеи зегьы аҟны раҧхьатәи аҧшӡа ҳәа ахьӡ даҧсахеит. Усҟан Ҭырқәтәыла, адунеи аҟны раҧхьаӡатәи "Мисс Адунеизегьтәи " милаҭтә фырхаҵак лаҳасабала илҧылеит лара. Ҳара машәырла акәӡам ари ахҭыс аҧсуа ҳәынҭқарра асимвол аныҳәа, Амилаҭтә бираҟ амш азгәаҭара изақәҳаршәаз. Қьериман Ҳалис Еџье (Ебжьноуҧҳа) лҭоурых, ҳара ҳаззыгәдуу ҳтәылеи ҳажәлари рҭоурых ду иахәҭакны иалоуп. Ахәылҧаз аҧсуа ҧҳәыс лыҧшӡара, лыхаара, ҳмилаҭтә маҭәа ианыҳәаны иҟалоит. Актәи "Мисс Адунеизегьтәи" лыхьӡала имҩаҧысуеит Аҧснынтәи иааз аҟыбаҩ злоу адизаинерцәа рҟынтә ашәҵатәы арбара. Ашәҵатәы арбара аҽалархәра иақәшаҳҭхеит адизаинерцәа Расида Лакоба, Мадонна Аргәын, Ҳамида Цәеиба, Шьазина Агәхаа. Ахәылҧаз апрограмма беиахоит уагьаднаҧхьалоит ҳәа агәыҕра ҳамоуп, уи иалоуп Ҭырқәтәыла иҟоу аҧсуа диаспореи Акультуреи аҭоурых-культуратә ҭынха ахьчареи рзы аминистрра иҳадыргалаз зеиҧш маҷу афотоматериалқәа рыла иеиҿкаахо ацәыргақәҵа, насгьы Роман Лабиа иавтортә проект - Қьериман Ҳалис Еџье илызку (Ебжьноуҧҳа) авидеофильм.

Иара убас иҟоуп Аҧсны абираҟ аҭоурых иазку зҿлымҳара зуҭаша аматериал, амузыка, акәашара, какалкра (фуршет), уҳәа уб. егь. аусхкқәагьы маҷымкәа.
Аусмҩаҧгатә мҩаҧысуеит Москватәи аҧсуа диаспора апроект «Адиаспора ахаҿқәа: аҭоурых аҟнытә ҳазҭагылоу аамҭа ашҟа» аҳәаа иҭагӡаны.

Ахәылҧаз еиҿкаауп Москватәи аҧсуа диаспореи Аҧсны Аҳәынҭқарра Жәларбжьаратәи Акультура-устә Центри (АА ЖӘАУЦ) Ҭырқәтәыла иҟоу аҧсуа диаспореи «GUASE» рыбзоурала, Аҧсны Акультура аминистрреи, Сҭамҧыл ақ. аҟны (Ҭырқәтәыла) иҟоу Аҧсны Аҳәынҭқарра Ахаҭарнакреи, Сҭамҧыл ақ. аҟны (Ҭырқәтәыла) иҟоу Аҧсуа Культуратә Центри рыцхыраарала.

Аусмҩаҧгатә мҩаҧысуеит Апавилион № 6 «Аҧсны» аҿаҧхьа иаарту аҭыҧ аҟны, (ЖӘРАР) Москва ақалақь, ҧхынгәы 23, асааҭ 20:00 рзы. Аҧсуа милаҭтә маҭәа алкаахоит иагьазгәаҭахоит ҷыдала аҧхьахәқәа рыла.

531


АХЬӠЫНҴА АЗЫХЫНҲӘРА