"Ажәлар ахара иҟоу ахықәкы ала аҟазаара рылшаӡом, ус иагьыҟамзароуп, избанзар ахара иҟоу ахықәкы есқьынгьы ааигәа иҟоу аҧаршеиразы хырқьиарахоит ."
Фазиль Искандер 

АЖӘАБЖЬҚӘА



07.07.2015

Москватәи Аҧсуа Диаспореи (МАД) Аҧсны Аҳәынҭқарра Жәларбжьаратәи Акультура-устә Центри (АА ЖӘАУЦ) аиҿкааҩцәа иҟарҵаз ааҧхьарала рхы аладырхәит Урыстәыла иҟоу зегьы иреиҳау аетнографиатә парк-музеи «АЕТНОДУНЕИ» аҟны имҩаҧысуаз афестиваль.

Москватәи Аҧсуа Диаспоразы итрадицианы иҟалаз ас еиҧш афестиваль аҽалархәра Аҧсназы лшара бзианы иҟалеит аҧсуа культура абеиареи аиуеиҧшымреи егьырҭ ажәларқәа дырбаразы. Абас иҟоу аусмҩаҧгатәқәа ирыбзоураны реиҿцаара алыршахоит зеиҧшыҟам, даҽакы иаламҩашьо ачаратә ҵасқәа ныҟәызго адунеи ажәларқәа – Индиа, Африка атәылақәа, Перу, Беларусиа уҳәа уб. егь.

"Аҧсуа чара – адунеи зегьы иахьӡаз ачара" – абас жәаҳәала атематика инақәыршәаны иахьӡҵан аҧсуа чара ақәыргыламҭа, убри алагьы аҧсуа чаратә традициақәа еиҳа акрызҵазкуа ахәҭақәа алкаан – уи иара амҽхак аҭбаареи, иаҵоу асасдкылареи, аишәачара абеиареи ракәын.
Ахәаҧшыҩцәа идырбан ажәытәӡатәи аҧсуа қьабз аиҭашьақәыргыла. Уи иацын ҳамҩаҧгаҩ Викториа Какалиаҧҳа иҟалҵазз ачаратә ҵасқәа рыхҳәааи, аҧсуа милаҭтә кәашарақәеи, акәашаразы аҟаза иҧышәамдареи. Аҧсуа чара аҵас ақәыргыламҭа зҿлымҳара ахылҵит иара Аҧснеиҧш уи атрадициақәа рышҟа, хыҧхьаӡара рацәала ахәаҧшыҩцәа аднаҧхьалеит. Ҷыдала иазырхиаз аматериалқәа: "Аҧсуа чара асас изы агәаларшәага” "Аҧсуа чаратә традициақәа рзы" ибзианы ачара ақәыргыламҭа информациала иханарҭәааит.
Амца иаҩызоу аҧсуа кәашарақәеи акәашаразы аҟаза имҩаҧигоз аҧышәамдареи асасцәа зегьы аҧсуа чара гәырҕьара иаланагалеит, иатәнатәит.
Ачара арбара ашьҭахь асасцәа зегьы ирхианы иҟаз аҧсуа традициатә еишәачара ашҟа ааҧхьара рыҭан аҧсуа чыс агьама рбарц азы.
Москватәи Аҧсуа Диаспореи (МАД) Аҧсны Аҳәынҭқарра Жәларбжьаратәи Акультура-устә Центри (АА ЖӘАУЦ) иҭабуп ҳәа рарҳәоит ари аныҳәа аиҿкааҩцәеи ацхырааҩцәеи, ҳамҭасгьы иранаршьеит дара рзы ҷыдала иаздырхиаз – ахылҧақәеи ашьапылампыласга (футболка) ашәҵатәы "M.A.D. TEAM" ҳәа аҩыра анҵаны:

Аиду Гицҧҳа
Нара Папҧҳа
Адица Гыцҧҳа
Викториа Какалиа
Валера Кобахиа
Амра Наҷҟьебиаҧҳа
Елану Гыцҧҳа
Илиаида Кәыҿҧҳа
Рета Алшунҧҳа
Дмитри Аҳашба
Есма Ҳагҧҳа
Даур Барганџиа
Саида Какалиа
Давид Какали
Сариа Возҧҳа
Викториа Суншева

Хазы аџьшьара раҳҭоит зегь раасҭа згьама бзиоу аҧсуа чыси арыжәтәи ҳаззырхиаз аресторан "Черноморская Ривьера" аусзуҩцәа.
Иара убас Москватәи Аҧсуа Диаспора анапхгара зегьы аусмҩаҧгатә иарҭаз адгыларазы иҭабуп ҳәа раҳҳәоит!
Иааиуа амчыбжь азы афотоҳасабырбеи авидео репортажи наӡаны иазырхиахоит.
АҲАМҬАҚӘА РИОУРАЗЫ МАД АИҾКААҨ ШӘЛЫДҴААЛАР ШӘЫЛШОИТ.

Нара Папҧҳа

аҭел: +7 (929)5239194
info@abkhazmoscow.ru

Ҳаҭырла,
Москватәи Аҧсуа Диаспора

394


АХЬӠЫНҴА АЗЫХЫНҲӘРА