EN RU AB

АЖӘАБЖЬҚӘА

Аҧсны Ацҳаражәҳәарҭаҟны иеиҿкаау ашьапылампыласратә команда алахәхоит XV атурнир

02.06.2015

Аҧсны Ацҳаражәҳәарҭаҟны иеиҿкаау ашьапылампыласратә команда алахәхоит XV атурнир

Аҧсны Ацҳаражәҳәарҭаҟны иеиҿкаау ашьапылампыласратә команда алахәхоит XV атурнир Москватәи Аҳәынҭқарратә Жәларбжьаратәи Аизыҟазаашьақәа Ринститут аректор ихьӡала имҩаҧгахо ахәмарра.
Рашәарамза 7, Урыстәыла Амш иазкны Москватәи Аҳәынҭқарратә Жәларбжьаратәи Аизыҟазаашьақәа Ринститут астадион аҟны имҩаҧысраны иҟоуп 2001 ш. раахыс традицианы Ауниверситет аҟны имҩаҧысуа аректор XV икубок азы ашьапылампыласразы ахәмарра.
Атурнир иалахәхоит Москватәи Адәныҟатәи Аусқәа ркоманда, Москватәи Аҳәынҭқарратә Жәларбжьаратәи Аизыҟазаашьақәа Ринститути Оренбургтәи Аҳәынҭқарратә Университети рырҵаҩцәеи аусзуҩцәеи реизгатә командақәа, иара убас Урыстәылатәи Афедерациаҿы иҟоу атәымҳәынҭқаррақәа рыцҳаражәҳәарҭақәа ркомандақәа. Аҧснытәи Ацҳаражәҳәарҭа акоманда сынтәагьы ари атурнир иалахәхоит. Аҧсны аректор Икубок ҩынтәны (2012, 2014 шш.) иачемпионхахьеит.
Ахәмарра алагамҭа - асааҭ 9:00 рзы
Аартратә церемониеи алахәылаҩцәа рапаради мҩаҧысуеит асааҭ 12:00 рзы

345


АХЬӠЫНҴА АЗЫХЫНҲӘРА