EN RU AB

АЖӘАБЖЬҚӘА

 Лаҵарамза 31 рзы Хьыбла Гьерзмава далахәхоит Лондон имҩаҧысраны иҟоу Елена Образцова лгәаларшәара иазку агәыҳалалратә концерт «Аурыси аиталиа музыкеи ршедеврқәа»

21.05.2015

Лаҵарамза 31 рзы Хьыбла Гьерзмава далахәхоит Лондон имҩаҧысраны иҟоу Елена Образцова лгәаларшәара иазку агәыҳалалратә концерт «Аурыси аиталиа музыкеи ршедеврқәа»

Ари аконцерт адәаҟны имҩаҧысуа зегьы ирылаҵәахьоу аклассикатә музыка урыстәылатәи афестиваль «Москва амҵан ахәылҧазқәа» захьӡу 7-тәи асезон аусмҩаҧгатәқәа ируакхоит . Ари афестиваль аҟны уаанӡа иалахәыз иреиуоуп, еицырдыруа ашәаҳәаҩцәа Денис Мацуев, Иури Башмеҭ, Дмитри Хворостовски, Игор Бутман, абас лҳәеит аинформациа аусбарҭа иаҿцәажәоз.
Иеицырдыруа аурыси аиталиатәи аоперқәа рахьтә ариақәа налыгӡараны дыҟоуп Аҧсны жәлар рартист Хьыбла Гьерзмава. Хьыбла Гьерзмаа - Станиславскии Немировичи Данченкои рмузыкатә театр аҟны ахкы налыгӡоит. Иара лара лассы-лассы дықәгылалоит адунеи аҟны еиҳа иеицырдыруа аоператә сценақәа рыҟны, урҭ рхыҧхьаӡараҿы иҟоуп Мариа лыхьӡ зху Санкт-Петербургтәи атеатр, Лондонтәи акралтә опереи абалети ртеатр, Ниу-Иорктәи Метрополитен операҟны, Миунхен иҟоу Бавариатәи аопераҿы.
Хьыбла Гьерзмава Лондон аккомпанимент нагӡаҩыс длоуеит Екатерина Ганелина. Ари аконцерт аҟны еизгахо аҧарақәа рыхәҭак ииагахоит Елена Образцова лыхьӡ зху Амузыкатә ҟазара ацхырааразы агәыҳалалратә фонд ашҟа.
«Москва амҵан ахәылҧазқәа» - есҧхынра адәаҟны аҳауаҟны имҩаҧысуа музыкатә концертуп. Ари апроект аҧҵан, аусурагьы иаҿуп 2009 шықәса инаркны Амузыкатә школ хадеи Гнесинаа рыхьӡ зху амузыкатә школи раушьҭымҭацәа ирыбзоураны.

309


АХЬӠЫНҴА АЗЫХЫНҲӘРА