EN RU AB

АЖӘАБЖЬҚӘА

2015 ШЫҚӘСА ЛАҴАРАМЗА 10 АСААҬ 13.00 РЗЫ, МОСКВА ИМҨАҦЫСУЕИТ АЏЬЫНЏЬТӘЫЛАТӘ ЕИБАШЬРАҞНЫ АИААИРА 70 ШЫҚӘСАХЫҴРА АЗГӘАҬАРА ИАЗКУ АНЫҲӘАТӘ   КОНЦЕРТ

04.05.2015

2015 ШЫҚӘСА ЛАҴАРАМЗА 10 АСААҬ 13.00 РЗЫ, МОСКВА ИМҨАҦЫСУЕИТ АЏЬЫНЏЬТӘЫЛАТӘ ЕИБАШЬРАҞНЫ АИААИРА 70 ШЫҚӘСАХЫҴРА АЗГӘАҬАРА ИАЗКУ АНЫҲӘАТӘ КОНЦЕРТ

Аконцерт мҩаҧысуеит ЖӘРАР апавилион “Аҧсны” аҿаҧхьа асценаҟны. Иааҧхьоу асасцәа дахьқәа рыҩныҵҟа иҟоуп Аҧснынтәии Москвантәии иааз Аџьынџьтәылатә еибашьра дуӡӡа аветеранцәа, Аҧсны Аҳәынҭқарра Ахада Ҳаџьымба Р. Д. напхгара ззиуа аиҳабыра злахәу аделегациа, аиҩызаратә тәылақәа рыцҳаражәарҭақәа рхаҭарнакцәа, иара убас Москватәи Аҧсуа диаспора алахәылаҩцәа.

Аконцерт апрограммаҟны иҟоуп москватәи Геликон-опера атеатр асолист, Урыстәыла зҽаҧсазтәыз артист, АА жәлар рартист Алиса Гыцҧҳа, иара убас Альдоны Цкәуа, Елена Анқәаб-ҧҳа, Нана Черқьезиаҧҳа, Саид Гобечиа, Амра Барганџьиа инарыгӡо аклассикатә рҿиамҭақәа.

Аестрадатә шәаҳәаҩцәа: Рамина Заде, Баҭал Сақаниа, Ҭемыр Ҳагба, Денис Ҳагба. Аквартет "Per4MEN" - Гәдиса Ферзба напхгара ззиуа – инанагӡоит Аибашьра ашықәсқәарызтәи ашәақәа. Амца иаҩызоу амилаҭтә кәашарақәа нанагӡон Аҳәынҭқарратә акәашаратә ансамбль "КАВКАЗ" – асахьаркыратә напхгаҩы Арвелод Ҭарба.

Аконцерт ахь ҷыдала дааҧхьан иеицырдыруа ашәаҳәаҩ, автор Вилли Токарев.

Аныҳәатә концерт еиҿыркааит: АА Жәларбжьаратәи акультура-устә центри АА Акультура аминистрреи, УА аҟны иҟоу Аҧсны Аҳәынҭқарра Ацҳаражәҳәарҭа, УА аҟны иҟоу Аҧсны Ахәаахәҭратә хаҭарнакра, Москватәи аҧсуа диаспора иҟарҵаз ацхыраарала.

342


АХЬӠЫНҴА АЗЫХЫНҲӘРА