EN RU AB

АЖӘАБЖЬҚӘА

ИАХЬА АҦСНЫ ЖӘЛАР РЫШӘҞӘЫҨҨЫ БАГРАТ ШЬЫНҚӘБА   98 ШЫҚӘСА ИХЫҴУАН.

12.05.2015

ИАХЬА АҦСНЫ ЖӘЛАР РЫШӘҞӘЫҨҨЫ БАГРАТ ШЬЫНҚӘБА 98 ШЫҚӘСА ИХЫҴУАН.

"Сыҧсҭазаара амҩа хада сацәҟьамҵкәа, сара изласылшоз ала, есқьынгьы сыжәлар срыцын, аџьабаа ахьырбоз, ҧхьаҟатәи аҧеиҧш ианазықәҧоз срылагылан. Сара исыду – ҳазҭагылоу ашәышықәсазы аҧсҭазаара аҵабырг аҩроуп, аҧхьаҩ аамҭа ахаҿсахьа изаартра, инарҵауланы иахьатәи аамҭа аилкаараҟны ицхыраароуп», – абас иҩуан ирҿиаразы Баграт Шьынқәба ихаҭа. (Автобиографиа. Рашәарамза 28, 1959 шықәса. Аҟәа.)

Аҧсуа шәҟәыҩҩы, апоет, аполитик, Баграт Уасил-иҧа Шьынқәба диит лаҵарамза 12, 1917 шықәсазы Ҷлоу ақыҭан. Ашкол даналга ашьҭахь дҭалеит Аҟәатәи арҵаҩратә техникум (1931-1935 шш.). Уи далганы дҭалоит Аҟәатәи аҳәынҭқарратә арҵаҩратә институт (1935-1939 шш.). 1939 ш. Б. Шьынқәба Қырҭтәылатәи ССР Аҭҵаарадыррақәа Ракадемиа Абызшәадырра аинститут аҟны аспирантура дҭалоит. 1945 ш. адиссертациа ихьчоит афилологиатә ҭҵаарадыррақәа ркандидатра аҩаӡаразы.

Жәлар рышәҟәыҩҩы авторс дрымоуп иеицырдыруа аҭоурыхтә роман «Ацынҵәарах», апоема «Ахра ашәа», хыҧхьаӡара рацәала ажәеинраалақәа, урҭ рыҩныҵҟа иҟоу инарҭбааны ажәлар ирылаҵәахьоу “Амҳаџьырқәа ргарашәа”.
Б. Шьынқәба - ирҿиараҟны иҟоуп иара убас ахәыҷтәы жәеинраалақәеи алакәқәеи жәпакы.

356


АХЬӠЫНҴА АЗЫХЫНҲӘРА