EN RU AB

АЖӘАБЖЬҚӘА

Хьыбла Гьерзмава иналыгӡоит Луиџьи Керубини иопера «Медеиа» ихадоу апартиақәа руак

15.05.2015

Хьыбла Гьерзмава иналыгӡоит Луиџьи Керубини иопера «Медеиа» ихадоу апартиақәа руак

Ари аопера раҧхьаӡакәны Станиславскии Немирович - Данченкои рыхьӡ зху Москватәи амузыкатә театр асценаҿы ахәаҧшҩцәа идырбахоит аҧшьаша, ақәыргыламҭа режиссиорс дамоуп Алеқсандр Титель.
Апартиа ахадақәа руак налыгӡоит адунеи аҿы иеицырдыруа ашәаҳәаҩ «Урыстәыла ахьтәы сопрано» Хьыбла Гьерзмава, абас аанацҳауеит Ажәабжь азы УАУ, атеатр апресс-маҵзураҟнытә иаиуз адырраҭарала .
Аспектакль амузыкатә напхгаҩыс дыҟоуп Фелиқс Коробов, Наталиа Мурадымова аҩбатәи Медеиа лроль налыгӡоит.
«Медеиа – скариераҟны, cрепертуар аҟны зегь реиҳа иуадаҩу партиоуп. Керубини имузыкаҿы ари ахаҿсахьа аус адулараан шәаҳәаҩык лаҳасабала, ҧҳәыск лаҳасабалагьы, сыҿиара аҳаракыраҟынӡа инеизар ҟалап. Иҭабуп ҳәа расҳәоит «сыҩнеиҧш» сыззыҟоу Станиславскиеи Немирович –Данченкеи рыхьӡ зху амузыкатә театри, снапхгаҩы Алеқсандр Тители самҽхакны сызмаз ари амузыказы, уамашәа бзиа избо барокко ахьырацәоу, насгьы даара аинтерес зҵоу ароль азы» - лҳәоит Хьыбла Гьерзмава.
Луиџьи Керубини иҧсҭазаара аиҳарак Франциа дынхон. Иара дравторуп Афранцыз револиуциа Дуӡӡа ахьӡала ииҩыз гимнтә аҧҵамҭақәа акымкәа, акрал Лиудовик ХVI игәалашаәра иазку ареквием, Парижтәи аконсерваториа ашьаҭаркыҩцәа дыруаӡәкуп, дкомпозиторуп, ХIХ ашәышықәсазтәи афранцызтә классикцәа дрырҵаҩуп. "Медеиа» апремиера мҩаҧысит парижтәи атеатр «Феидо» 1797 ш. Ихадоу апартиақәа руак налыгӡон афранцыз уи аамҭазы аопера аеҵәахә ҳәа иршьоз ашәаҳәаҩы Жиул-Анжелик Сиу.
Хьыбла Гьерзмава – Аҧсни Урыстәылеи Жәлар рартистка ҳәа ахьыӡ лыхҵоуп, Москватәи аконсерваториа даушьҭымҭоуп. 1995 ш. инаркны Станиславскии Немирович-Данченкjи рыхьӡ зху амузыкатә театр аҟны ахкы налыгӡоит. «Урыстәыла ахьтәы сопрано» ҳәа ззырҳәо Хь. Герзмава адунеи аҟны деицырдыруа дҟарҵеит Мариа лтеатри аҟни, Метрополитен-операҟни, Лондонтәи Акралтә «Ковент-Гардени» аҟни, Венатәи Римтәи аоперақә а рыҟни, Париж Гарние иопера аҟни лықәгыларақәа. Хьыбла Гьерзмааҧҳа лрепертуар аҿы иҟоуп ихадоу аоператә партиақәа : «Севильтәи ахәышәтәҩы (аҧаҵасаҩы)», «Руслани Лиудмилеи», «Богема», «Травиата», «Дон Жуан», уҳәа егь.
Аинформациатә хыҵхырҭа: Sputnik Абхазия: http:// Sputnik-abkhazia.ru\ world\2015 05 14\1014674371.html.

382


АХЬӠЫНҴА АЗЫХЫНҲӘРА