EN RU AB

АЖӘАБЖЬҚӘА


17.04.2015

АҦСНЫ АХАДА РАУЛЬ ҲАЏЬЫМБА МОСКВА ИНХО АҦСУА УААЖӘЛАРРЕИ АСТУДЕНТЦӘЕИ ДЫРҦЫЛЕИТ

Иацы, мшаҧымза 16 рзы, Аҧсны Ахада Рауль Ҳаџьымба Москва инхо аҧсуа уаажәларреи астудентцәеи дырҧылеит. Ари аиҧылара еиҿкаан Москватәи аҧсуа диаспора аҧшьгарала Урыстәыла иҟоу Аҧсны Аҳәынҭқарра Ацҳаражҳәарҭа иҟанаҵаз адгыларала.

Анапхгара ауснагӡатә хадақәа ируакуп ауаажәларра аполитикатә зеиҕьашьарақәас ирымоу хырҩа амҭакәа реидкылара - иҳәеит Рауль Ҳаџьымба аиҧылара алагамҭазы, абасала, аҧсуа диспора аҧылара хықәкыс иамоу азгәаҭаны.

Ахада далацәажәеит Аҧсны аганқәа жәпакы рыҟны аҿиареи адиаспора аусацуреи рыҟны знеишьақәас иамоу атәы, Москва инхо аҧуса уаажәларреи аҿари ргәы иҵхо хыҧхьаӡара рацәала азҵаарақәа рҭакқәа аныҟаиҵоз.

"Ас еиҧш аиҧыларақәа даара аҵак ду рымоуп адиаспора аҿиареи, уи иаду аҭакҧхықәра азырҳареи, Аҧсны имҩаҧысуа зегьы аҽалархәреи рзы, - иҳәеит Москватәи аҧсуа диаспора Ахада Беслан Агрба. Адиаспора аусацура – иациҵеит уи иажәа, - ҳҳәынҭқарра адәныҟатәи еиҧш аҩныҵҟатәи аполитика акрызҵазкуа хырхарҭаны иҟалароуп, избан акәзар адиаспора апрофессионалтә, аинтеллектуалә, афинанстә цхыраара, атәыла аиҭеираҟны ацхыраара зылшо арҿиаратә, аҧҵаратә лшара ду амоуп".

Адиаспора еиҳа агәацҧыҳәара змоу хархәганаы иҟалартә еиҧш аусацуразы иманшәалоу амҩақәа азгәаҭатәуп, активла аҳәынҭқарра аинвестициатә проектқәа ирыдҧхьалатәуп.

Ахада иара убас иазгәеиҭеит, адиаспора анапхгареи Аҧсны анапхгареи рыбжьара аҵакы змоу азеиҧш шьаҿа шыҟаҵоу – иаҧҵоуп ас еиҧш аусеицура азҵаарақәа рзы ажәалагалақәа разырхиара иаҿу аҧсуа диаспора – абизнес уаа злахәу аусуратә гәыҧ. .

Аиҧылара ахыркәшамҭаз ирҳәеит агәыҕрагьы агәазыҳәарагьы шыҟоу адиспора аспециалистцәа ҿарацәа атәыланҭыҵ разыҟаҵареиҧш урҭ рыҧсадгьыл азыхынҳәрагьы ишацхраало азы.

МАД Апресс-маҵзура

446


АХЬӠЫНҴА АЗЫХЫНҲӘРА