EN RU AB

АЖӘАБЖЬҚӘА

КИРОВ АҚАЛАҚЬ АҞНЫ  ИМҨАҦЫСИТ АҦСНЫТӘИ АҲӘЫНҬҚАРРАТӘ ФИЛАРМОНИА АСОЛИСТЦӘА ЗЛАХӘЫЗ АКОНЦЕРТ

20.04.2015

КИРОВ АҚАЛАҚЬ АҞНЫ ИМҨАҦЫСИТ АҦСНЫТӘИ АҲӘЫНҬҚАРРАТӘ ФИЛАРМОНИА АСОЛИСТЦӘА ЗЛАХӘЫЗ АКОНЦЕРТ

Мшаҧымза 18, 19 рзы Киров ақалақь аорҕантәи акамертәи музыка Аконцерттә зал аҟны имҩаҧысит Аҧснытәи Аҳәынҭқарратә филармониа асолистцәа, жәларбжьаратәи аконкурсқәа рлауреатцәа Кристина Ешҧҳаи (асопрано) Лука Гаделиеи (аорҕан) злахәыз аконцерт.

Аконцерт Пицундатәи аорган 40-шықәхысратәи аиубилеи иазкын, иагьымҩаҧысит Аҧсны Акультуреи аҭоурых-культуратә ҭынхеи рминистрра иҟанаҵаз ацхыраарала. Аконцерт апрограммаҟны иҟан И.С.Бах, Г.Ф.Гендель, Г.Ропарц, Маккоулен, Ф. Пуленк раҧҵамҭақәеи аҧсуа шәақәеи акаприччиои.

«Киров ақалақь аҟны афилармониеи, лымкаала, Александров ихани сареи акыршықәсатәи аиҩызара ҳабжьоуп. Сыстудентны аҩбатәи акурс аҟны сантәаз, кироваа исырҭаз ааҧхьарала арахь сааит асолатә программа сыманы, уи ашьҭахь ара имҩаҧысит Киров ақалақь ииз, иааӡаз, уажәы иеицырдыруа аскрипкарҳәаҩы Евгени Субботин дызлахәыз ҳконцертқәа. Кристинеи сареи арахь ҩынтәуп ҳаауеижьҭеи. Аринахысгьы аус еицаҳаулоит ҳәа, ари атрадициа бзиа аҧхьаҟагьы иацҵахоит ҳәа сгәы иаанагоит.

Иара убас иҭабуп ҳәа раҳҳәар ҳҭахуп Аҧсны Акультуреи аҭоурых-культуратә ҭынхеи рминистрра иаҳнаҭаз ацхырааразы», – иҳәеит Гаделиа «Аҧсныпресс» акорреспондент данлацәажәоз.

390


АХЬӠЫНҴА АЗЫХЫНҲӘРА